ՍոֆթԿոնստրակտ ընկերությունը Ինտերպրեսի հետ համագործակցում է շուրջ երկու տարի։ Այս ընթացքում մեր համատեղ աշխատանքը հիմնվել է փոխադարձ հարգանքի և մասնագիտական նորմերի պահպանման վրա։ Ի սկզբանե բարձր ենք գնահատում թարգմանվող լեզուների նման բազմազանություն ապահովելու ձեր ընկերության կարողությունը, ինչը խոսում է թարգմանությունների ոլորտը լավ տիրապետելու, մասնագիտական անձնակազմի հետ սահուն աշխատանքի և միջազգային մակարդակում մասնագետների ներգրավման կարողությունների մասին։ Ինչ վերաբերում է առօրյա աշխատանքին, ձեզ արտապատվիրակված թարգմանությունները ունեն բարձր որակ։ Նաև գնահատում ենք մեր համատեղ աշխատանքում բոլոր ադմինիստրատիվ խնդիրները կառուցողական քննարկումների արդյունքում հարթելու կարողությունը։

Աղավնի ջան, Քո և քո թիմի հետ աշխատելը իսկապես հաճելի և դյուրին է։ Դուք ոչ միայն պատասխանատու եք և արագ կողմնորոշվող, այլև կրում եք ԿԱԶԱ-ի արժեքները՝ միշտ պատրաստ լինելով հասկանալ և աջակցել։ Ձեր մարդկային ու պրոֆեսիոնալ մոտեցումն անչափ գնահատելի է։ Անկեղծորեն ուրախ եմ ձեզ հետ համագործակցելու համար և շնորհակալ եմ այդ հնարավորության համար։ Կցում եմ նաև օպերատորների կարծիքները։ Համագործակցությունը մշտապես շատ արդյունավետ և ստացված է եղել թարգմանչական թիմի և հատկապես Աղավնիի հետ։ Որպես թիմի համակարգող մշտապես ցուցաբերել է պատրաստակամություն և մաքսիմալ կարճ ժամկետներում զբաղվել առաջացած հարցերի լուծմամբ։ Թարգմանչական թիմում աշխատում են պրոֆեսիոնալներ։